Vendos KQZ-ja, Bashota s’mund të kandidojë për kryetar të Klinës

13:04 | 3 Shtator 2021
A. B.

Në mbledhjen e Komisionit Qendror të Zgjedhjeve, është marr vendimi për decertifikimin e dy kandidatëve të Partisë Demokratike të Kosovës.

Sokol Bashota dhe Enver Berisha decertifikohen për të marr pjesë në zgjedhjet për Kryetar të komune dhe Kuvend komunal në komunën e Klinës, raporton arbresh.info

Ndërkaq për kryetar të Klinës është certifikuar Esat Raci.

Kujtojmë se, Sokol Bashota e Enver Berisha ditë më parë janë shpallur fajtor për “mos deklarim ose deklarim të rrejshëm të pasurisë”. Bashota është kandidati i dytë për kryetar komune që nuk certifikohet, pas Sami Lushtakut.

Gjykata Kushtetuese në vendimin për rastin e Etem Arifit në aktgjykimin e saj kishte vendosur që asnjë person që ka dënim të formës së prerë në tri vitet e fundit nuk mund të kandidojë për poste publike.

Mbi këtë vendim në zgjedhjet paralametare të 14 shkurtit, Albin Kurtit ju kishte mohuar e drejta për kandidim për deputet. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm